TRESNA
TAN PAWALAS
Honey
nika madu, madu nika honey. Yening ring basa inggris nika pengertian sane
patut, tur manis pisan yening kaucap utawi kapireng. Santukan punika, wenten
anak bajang lanang tur istri sane nganggen kruna punika anggen panggilan sayang.
Duang
tiban sane sampun lintang, wenten truna lan truni sane mapesengan Ratih lan Dek
Arta. Ratih puniki mahasiswi ring STKIP AH Singaraja. Paras ipun ayu tur
laksanan ipun becik, ento makrana liu anak muani sane kajatuh tresna kapining
ragane. Yening Dek Arta puniki sampun makarya ring silih sinunggil perusahaan
ring kota Denpasar. Dek Arta puniki bagus rupa lan laksana tur jemet pisan
makarya. Ia ajaka dadua kenalange tekening Sari. Sari nika sawitranyane Ratih
lan Dek Arta sane pateh ngranjing ring STKIP tur satu jurusan sareng Ratih.
Carita puniki ngawit daweg Sari nulungin Dek Arta ngalih gagelan krana ia
sampun pegat talin tresnanyane sareng gagelan ipun.
“
Tih,,, nomere nagih idihe ajak timpal akune, engken,, dadi ? “ kenten petakone
Sari tekening Ratih.
“
Boee… nyen to?? Bagus sing? Anak uling dije to?? “ Ratih misaruin.
“
Anak uli sangsit Rat!! Bagus Rat,,, aku ija taen ngelah timpal bodo,, hahaaa…”
lantang kedekne Sari ngajumang dewek.
“
Gaya gen ne,, nah men keto bang dogen be, pang ada masi ajak smsan,, mumpung
jomblo … hahaa “ pisaurne Ratih.
“
Siippppppp Rat “ pisaurne Sari sambilange ngedengang inan jeriji limane.
Buin
manianne, sedek Ratih nolih hpnyane, saget wenten pesan anyar. Rikala Ratih
nyingakin pesan punika, pesan punika boya ja tios saking Dek Arta, sawitrane Sari
sane ngidih nomer hpne Ratih. Kene isin pesan punika : “ Hay….. boleh kenalan
gak?? Aku Dek Arta temannya Sari . “. Lantas Ratih ngwales pesan punika tur
ngelantur smsan lantas muputang antuk rencana kacanduk ring kampus genah Ratih
kuliah.
Kacarita
Ratih lan Dek Arta sampun kacunduk ring kampus STKIP AH genah Ratih kuliah. Kimud
manah padaduanan rikala tumben kacunduk tur saling nyenjuhang lima majabat
tangan.
“
Ratih nggih??? Tiang Dek Arta “ Dek Arta mataken sambilange ngenjuhang limane
ke Ratih.
“
Nggih Tiang Ratih Dek,, “ ngwales limane Dek Arta.
“
Ampun budal niki Rat? “ pitaken Dek Arta majeng ring Ratih.
“
Ampun Dek, niki wausan budal, ada apa Dek??” pasaut Ratih.
“
Yening kenten, ngiring Ratih ajak tiang maplasiran ka pantai panarukan, punapi
Ratih mrasidayang? “ pitaken Dek Arta sambilange makenyem sada manis.
“
Nggih dados Dek…” pisaur Ratih.
Lantas
Dek Arta lan Ratih maplesiran ka pantai panarukan. Drika ia ajaka dadua saling
nuturang unduk ragane, dija ragane magenanh muah sane lianan. Rikala Dek Arta
negak padaduanan ring sisin pasihe, ia saget bengong tur inget teken unduk
ragane imaluan sareng gagelan ipun mawasta Ayu sane mangkin sampun ngalahin
ragane nganten. Di tongose puniki, tresna Dek Arta lan Ayu tumbuh. Ia inget
pesan, rikala Dek Arta lan Ayu saling ngucapang janji mangda ia jak dadua tetep
satia ngantos riwekasan.
“
Dek, indayang Dek Arta majanji sareng Tiang, mangda Dek tan taen ngelah pikenoh
jagi ninggalin ragan Ayu. “ suaran Ayu manis ngulangunin hati.
“
Nggih Ayu, tiang majanji kar satia ngantos mati sareng Ayu, Tiang sayang pisan sareng
Ayu.” Pisaur Dek Arta sambilange ngisang liman Ayu sada tekek.
Nanging
janji wantah sabatas ring bibih, Ayu mangalahin Dek Arta nganten krana Ayu sane
magenah ring Singaraja tur Dek Arta makarya ring Denpasar ngelah mitra lantas
ia beling. Rikala Dek Arta sedek nginget – nginget unduk ragane, saget Ratih
nyenjuhang minuman sane ngaenang Dek Arta sadar.
“
Niki minum dumun, jek bengong kemanten niki, napi sane kakenehang Dek?” pitaken
Ratih sambil ngenjuhang minuman.
“
Tiang inget unduk tiang imaluan sareng gagelan Titiange, nanging mangkin Tiang
sampun kalahine nganten teken ragane” pisaur Dek Arta nelatarang.
“
Nah de be to seselange, yan sampun keto tepuk unduke, nika madan Dek tan jodoh
sareng gagelan ipun sane imaluan” pisaur Ratih.
“
Nggih Rat, suksma nggih “ Dek Arta misaurin. Makelo ia ajaka dadua negak tur
nutur di sisin pasihe ngantos matan aine keleb nglantur Ratih tur Dek Arta mapamit
mulih ka jerone soang – soang.
Kasuen
– suen, Ratih lan Dek Arta sesai makirim
pesan tur yening Dek Arta ka Singaraja, ragane pepes ngajak malali Ratih. Ento
makada Dek Arta kajatuh tresna kapining Ratih. Sedek dina anu, Dek Arta
ngucapang tresna saking Ratih lan ngidih Ratih dumogi prasida dadi gagelan
ipun. Nanging Ratih tan prasida dados gagelan ipun santukan tresna Ratih saking
ipun sabates sahabat lan sampun kaanggep sakadi beli olih Ratih.
“
Dek, ampura… Tiang wantah prasida nganggep Dek Arta sawitra Tiange, Dek sampun
kaanggap sakadi beli antuk Tiang Dek “ tutur Ratih dabdab alon pisan.
“
Nggih tan kanapi Rat, yening kenten rasa Ratih kapining Tiang. Tiang tan ja
maksa Ratih mangda dadi gagelan Tiange, lan jani raga becikang masawitra
kemanten dumun “ pisaur Dek Arta sambilang makenyem sada manis pisan.
Kasuen-
suen, Dek Arta lan Ratih becik pisan masawitra kanti nyantos duang tiban.
Lantas ipun, Dek Arta lan Ratih madue panggilan sayang anggen ngentosin
pesengan ragane inggih punika honey antuk Ratih lan madu antuk Dek Arta. Kruna
punika madue arti manis tur jaan utawi becik yening kapirengang, dumogi
persahabatan puniki semanis tur becik karasayang sakadi artin kruna ipun.
Gelisang satua, sampun sue Dek Arta lan Ratih masawitra, Nanging sujatine Dek
Arta kari nyimpen rasa tresna kapining Ratih.
“
Honey… Madu tan prasida nganggap Ratih sawitran Dek manten,, Dek sayang jak Ratih
melebihi nika honey “tutur Dek Arta kapining Ratih.
“
Ampuura Madu, Tiang tan prasida ngwales tresna punika,, iraga sampun sue
masawitra, sampun sakadi beli buat Ratih,, Honey ampun madue gagelan mangkin
Madu.. “ pisaur Ratih alon.
Ningeh
tutur Ratih buka keto, Dek Arta bengong mapangenan. Di sisi ia bisa ngorang
nerima unduke ento, nanging di hatinyane, ia tersakiti pisan. Ia inget malih
teken unduke rikala ia kalahine nganten sareng Ayu tunangannyane imaluan.
“
Dadi kene lacur Tiang ngalih anak istri, umur Tiang jagi ngwayahang, nanging
ngantos mangkin tiang durung polih jodoh sane patut “ sesel Dek Arta.
Kasuen
– suen, suud unduke ento, Dek Arta ngangsan ngejohin Ratih, kenehnyane yening
raga majohan, rasa ipun kapining Ratih ilang. Pamuputne, Dek Arta ngirim pesan
kapining Ratih .
“
ampurayang Madu Honey, Madu tan wenten kenehe nyakitin Honey. Madu tan prasida
ngilangang rasa tresna puniki, Madu ngidih tulung, johin madu. Dumogi honey lan
gagelanne mangkin bagia. Madu sayang tekening honey selamane “ kenten pesan
saking Dek Arta.
Tan
kerasa ngetel yeh peningalan Ratih rikala ngwacen pesan punika. Ratih tan
pasangkan jagi pacang kilangan sawitra sane setata disisi Ratih suka lan duka. Dek
Arta sampun kaanggep sakadi beli antuk Ratih.
Gelis
satua, Ratih mara ngerasa, yening tan wenten Dek Arta wenten rasa ring
deweknyane sane ilang. Suud unduke ento, keneh Ratih satata sungsut tur
dikenkene bisa ngetelang yeh mata yening inget unduke buka kene. Tan wenten
malih sane ngelurin honey, sane ngicenin nasihat, nyandain, ngalakin, tur
nimpalin rikala Ratih sungsut utawi suka.
“
Dadi kene panadine, Tiang kehilangan sawitra sane becik pisan, Tiang tan
prasida yening joh sareng madhu. Ulian tresnane tan pawales, Tiang kilangan Dek
Arta ngantos mangkin. Nguda Dek mapikenoh buka kene tur ninggalin Ratih
driki….” Sesel Ratih sambilanga ngeling sigsigan.
Pamuputne,,
ngantos mangkin Ratih tan uning napikeh Ratih madue rasa sareng Dek Arta napi
tan tur napikeh mangkin Dek Arta sampun ngamolihang gagelan sane patut antuk
ipun. Dek Arta sawitra sane becik pisan, tuah krana tresnananyane tan pawalas,
ia ngejohin sawitrannyane, Ratih sawitra sane becik tur sanget sayang kapining
ragane.
Ratih
nunas ica ring Ida dumogi Madu setata bagia tur ngemolihang jodoh sane patut.
Yening Honey lan Madu
majodo, dumogi ngamolihang jalan matemu mawali, nanging yening tan ejohang tur
icenin iraga jodo sane patut.
ASTUNGKARA…………..
